-- ADVERTISEMENT --
KALIBO, Aklan—Nakataeana nga magpatigayun it espesyal nga pagdungog ro House of Representatives sa maabot nga Marso 9.
Raya hay may kaangtanan pa gihapon sa nagapadayun nga pagtinaas it presyo it langis sa nasyon.
Suno kay Ways and Means Committee chairperson ag Albay Representative Joey Salceda, pagatalakayon sa nasambit nga pagdungog ro epekto it fuel hike sa inflation, trade ag commodity maskin sa agrikultura.
Paga-istoryahan man sa pagdunog ro epekto kara sa supply ag demand it nasyon, sektor it transportasyon, ag pati eon man ro nagkaeain-eain nga pamaagi sa pagsueong it fuel excise tax ag iba pa.
