Opisyal eon nga ginpangaeanan it House of Representatives ro mga miyembro it prosecution panel para sa nagahilapit nga impeachment trial ni VP Sara Duterte sa Senado.
Kaibahan sa mga gin-ilihir it House prosecutors sanday Gerville Luistro, Keith Flores, Bel Zamora, Lorenz Defensor, Joel Chua, Leila de Lima, Chel Diokno, Terry Ridon, Rodge Gutierrez, Kaka Bag-ao, ag Lordan Suan.
Gin-manduan it grupo nga i-presenta ag depensahan ro Articles of Impeachment kun mag-convene ro Senado bilang impeachment court.
Ginaeauman nga magiging masinsinan ro pagpamati sa mga alegasyon kontra sa Bise Presidente, kadungan it panawagan para sa patas ag transparent nga proseso.
Ginakabig ro tikang bilang importanteng yugto sa pagpatuman it panaeabton sa mga opisyal it gobyerno.
