Ginakondena ag uwa ginatolerar it pulisya ro illegal nga hilimuon sa bilog nga probinsya it Aklan.
Pamatuod sigon kara suno kay P/Capt. Aubrey Ayon, tagapaghambae it Aklan Police Provincial Office ro mga accomplishment it kada municipal police station nga maabo ro andang arrested person nga nagahimo it illegal nga bueohaton.
Sigidas sigon ro andang kampanya kontra sa illegal gambling ag iba pang illegal activities kon sa siin hugot nanda raya nga ginamonitor.
Ginpahayag dugang nga haeos tanan nga mga operasyon it kapulisan hay nagiging madinaeag-on.
Ginpanginwaea man nana ro alegasyon nga mahina ro naging trabaho it mga intelligence operative kon sa siin sa kamatuoran hay maabo ro naging accomplishments it mga raya.
Apela ni PCapt. Ayon sa publiko nga insigidang magreport sa pinakamaeapit nga taeatapan it pulisya kon man mga nataeopangdan nga illegal activities sa andang komunidad bangud nga mabahoe raya nga bulig para masakote eagi ro mga inbolbado nga tawo.
