KALIBO, Aklan—Mas pang ginhugtan it Aklan Police Provincial Office ukon APPO ro kampanya kontra sa illegal nga sugae sa bilog nga probinsiya it Aklan.
Suno kay P/Staff Sgt. Jane Vega, tagapaghambae it APPO nga raya hay bilang sabat sa mandu ni PNP chief General Archie Gamboa sa pagtutuk sa iligal nga sugae sa bilog nga nasyon.
Kaparte man sigon raya sa ginapatuman nga internal cleansing it kapulisan.
Hugut sigon nga ginabawae ro mga pulis sa mga sugaean partikular sa bueangan.
May pila eon sigon nga mga pulis ro nasampolan ag napahalin sa serbisyo.
Ro anuman man sigon nga hampang nga may taya hay makabig nga illegal.
Nasayuran nga naging sunod-sunod ro operasyon kontra sa illegal gambling ko nagtaliwan nga mga inadlaw sa nagkaeain-eain nga banwa sa probinsiya.
Ginapaidaeum sigon nanda sa monitoring ag validation ro mga napabalitang may nagakatabu nga illegal gambling.
