KALIBO, Aklan — Maskin nga pormal eon nga nagtapos ko ro nationwide gun ban angot sa bag-o eamang natapos nga local ag national elections ko Mayo 13, apang nagapadayun ro hugut nga kampanya it kapulisan sa mga owa it lisensiyang baril .
Angot kara, nagpanawagan si P/Maj. Bernard Ufano, head it Provincial Intelligence Branch (PIB)-Aklan sa mga residente nga may ginabuytan nga bukon it lisensiyadong baril ukon expired eon ro lisensiya nga isurender eon sa kapulisan ro andang mga armas
Sa pihak nga parte sa pag-umpisa sigon it banning period ko Enero 13 hasta Hunyo 12, kapin sa 15 nga ka tawo ro nadakpan sa pag-eabag sa illegal possession of firearms angot sa Comelec gun ban nga kon sa siin ro iba kara hay nadakpan sa checkpoint.
Mag-eowas kara, 22 ro nadakpan it mga bladed weapon ukon mataeum nga hinganiban nga may kaangtanan gihapon sa Comelec gun ban.
