Ginsukob it mga security forces sa Sri Lanka ro nagapanguna nga anti-government protest camp, gin-aresto ro mga nagprotesta ag ginsamad ro mga tents.
Linibo nga mga troops ag police commandos ro sa guwa it pangueo sa Colombo, pilang oras antes nga sanda hay maghalin sa nasambit nga lugar.
Siyam nga tawo, kaibahan ro daywang naka-angkon it nina ro gin-aresto it mga pulis.
Ginpaathag it pulisya nga ro insidente hay sangka espesyal nga operasyon para mabalik ro kontrol it presidential secretariat.
Sangka video journalist man ro ginbugbog it mga pulis ag gin-agaw pa it sangka sundado ro anang selpon ag ginboue ro mga video.
Suno man sa tagapaghambae it pulisya angot sa nasambit nga pag-atake sa sangka journalist, nga owa sigon imaw kasayod sa nasambit nga insidente.
Nag-eontad ro nasambit nga insidente samtang nagapanuma si Ranil Wickremesinghe bilang pangueo ku nagtaliwan nga Huwebes.
Nasayuran nga si Mr Wickremesinghe – ro dating prime minister it nasyon ag nakikita nga “unpopular” sa publiko kung siin nagpromisa nga magahiwat it hugot nga aksyon kontra sa mga demonstrador.
