Ginhalin eon si dismissed Bamban Tarlac, Mayor Alice Guo sa kustodiya it Bureau of Jail Management and Penology (BJMP) apang padayon pa gihapon ro pag-apela it kampo kara nga ibalik ag magpabilin ro dating alkalde sa kustodiya it Philippine National Police (PNP) para sa anang seguridad.
Una eon nga gin-anunsyo nga gin-recognize it Pasig RTC branch 167 ro mosyon it kampo ni Guo nga magpabilin ro dating alkalde sa crame suno sa legal counsel ni Guo nga si Atty. Nicole Jamilla, ag nagpaguwa man it mando ro korte nga temporaryong igasukoe anay ro paghalin kay Guo paadto it Pasig city jail.
Ginkumpirma man ni BJMP spokesperson JSupt. Jayrex Bustinera, nga nabaton eon nanda ro nasambit nga kasuguan apang bangod sa ginhatod eon si Guo sa Pasig ag uwa man it opisiyal nga kasuguan ro korte nga ibalik ro ginpahalin nga alkalde sa kampo krame, nagapabilin pa gihapon sa Pasig city jail female dormitory si Guo.
Sa ging pa guwa nga order it korte, gindueaan it bisa eon kara ro mosyon it kampo ni Guo. Sa partido sigon it kampo ni Guo, suno kay Atty. Jamilla, nahadlok sanda sa seguridad ni Guo rason nga gusto nanda nga magpabilin lang raya sa custodial facility it PNP sa pihak kara it pagsiguro it BJMP nga naghimo eon sanda it assessment ag nausisa eon ro profiles it mga makaibahan ni guo sa kulongan sa pasig.
Mag-eowas pa kara, ginkonsidera man sigon it legal counsel ni Guo ro ginabatyag it dismissed mayor nga pilang adlaw eon nga may ubo, eagnat, kueang sa tueog ag bumagsak man sigon ro anang timbang. Samtang, una eon nga gin-anunsyo nga matapos makitaan it doctor it suspected infection ro waea nga baga ni Guo, rason nga insigida nga gin-isolate anay it BJMP si Guo ag naghimo it sputum test.
Apang nagguwa man sa results nga negatibo ro nasambitan nga alkalde sa sakit nga tuberculosis, rason nga gin impon eon raya sa 43 nga mga preso sa sangka regular nga selda sa kustodiya man gihapon it BJMP. Sinigurado man it spokesperson it BJMP nga provided ro vitamins ag bueong it mga inmate agod nga indi magmasakit o matapnan.
