Nagdihon it petition for bail ro kampo ni dating House Speaker Martin Romualdez sa Sandiganbayan ku Lunes, Setyembre 28.
Suno sa report, gindihon it kampo ni Romualdez ro petisyon angot it ginapangatubang nana nga kasong plunder nga may kaangtaan sa P7.44-bilyong sigon nga kickback scheme sa mga flood control ag iba pang government projects.
Nakataeanang mag-umpisa sa Oktubre 12 ro pagpamati sa anang petition for bail, kun siin ginaeauman nga magadihon it ebidensya ro prosekusyon angot sa baskog it kasong ginpasaka kontra sa dating House Speaker.
Samtang, magabuhay man it hasta Nobyembre 12 ro bail hearing ni Romualdez, kun siin ginaeauman nga magadihon ro prosekusyon it una sa 23 testigo, samtang tatlo hasta ap-at mat-a ro igapresenta it depensa.
Samtang, paga-umpisahan man sa Nobyembre 23 ro main trial it kaso.
Una sa 73 nga testigo ro nakataeana nga ipresenta it prosekusyon, samtang una sa 40 mat-a ro ginaeauman nga igapresenta it depensa.
Ku Setyembre 16, nagpasueod si Romualdez it plea nga not guilty sa kasong plunder sa Sandiganbayan.
