Nagaeaum ro kampo ni Vice President Sara Duterte nga sa ulihi, mabasura it Senate impeachment court ro impeachment case kontra kana.
Ginsumite eon it kampo it bise presidente sa pagpanguna it legal counsel kara nga si Atty. Michael Poa, ro sabat ni VP Duterte sa articles of impeachment nga gin-file kontra kana it Kamara.
Bitbit it mga raya ro limang mga maintok nga itom nga maleta nga may sueod nga mga sabat ag annexes it bise presidente.
Sa press briefing, nag-atubang si Poa ag ro limang legal counsel it depensa ag ginpahayag nga sambilog sa prayer it sabat it bise hay ma-dismiss ro impeachment case.
Nakabaehag sa sabat ro pagpamaeabag it depensa sa mga ebidensya kontra sa Vice President nga makaron eang nagguwa.
Sa pihak kara, bisan ano ro matabo, haum sanda nga depensahan si VP Duterte.
Kumpyansa man ro depensa nga mangin not guilty ro desisyon it impeachment court bangud para kanda, owa it impeachable offense ro bise presidente it nasyon.
Posible man ro pag-atubang ni VP Duterte sa impeachment trial apang depende gihapon sa daeagan it proceedings.
