Ginkuwestiyon it kampo ni Vice President Sara Duterte ro gina-alegar nga paghipos it mga senador sa majority bloc matapos bawion it House prosecution panel ro tatlo sa ap-at nga impeachment articles kontra sa Bise Presidente.
Ginpahayag ni Atty. Paolo Panelo, tagapaghambae ni Duterte nga makangawa-ngawa ro kawad-an sigon it reaksiyon it mga senador sa oras ag tiempo nga gin-ubos sa mga kasong ko ulihi hay indi man pagpadayunon it prosekusyon.
Suno kay Panelo, pwede kunta nga nagamit ro nasambit nga tiempo sa pagsabat sa mga importanteng isyu it nasyon. Ginpahayag dugang nga posibleng makaangkon it epekto ro pagbawi sa magiging tikang it mga senador halin sa majority ag minority bloc sa pagpadayun it pagbista.
Kaibahan sa mga ginbawi nga impeachment articles ro mga alegasyon it saea nga paggamit it confidential funds, bribery ag grave threats. Mas ginpili it prosekusyon nga isentro ro pagbista sa Article II nga nagatalakay sa gina-alegar nga unexplained wealth ni Duterte.
Ginpaathag man it prosekusyon nga tuyo kara nga mapadasig ro proseso ag makatipid sa oras ag mga gastos.
