Ginkoronahan bilang Miss Philippines Earth 2022 si Tarlac stunner Jenny Ramp raya hay sa pihak it makapilang beses nga pag-angkon it delay sa pag-umpisa bangud sa mabaskog nga uean sa Coron, Palawan kahapon, adlaw it Sabado.
Napiyerde ni Ramp ro masobra sa 40 kandidata para sa titueong naga-highlight it mga adbokasiya para protektahan ro planetang Earth.
Ginkoronahan man bilang Miss Philippines Air 2022 si Jimema Tempra it Jasaan, Misamis Oriental ,samtang si Angel Santos it Trece Martires City hay nagdaog bilang Miss Philippines Water 2022.
Sa pihak nga parte, si Eryka Vina Talavera Tan it Legazpi City ro nakaboue it titueong Miss Philippines Fire 2022 ag ro Miss Philippines Eco Tourism 2022 man hay nasikyar ni Nice Lampad it Bayugan City.
Nasayuran nga pageant sa makaron nga dag-on hay naging kontrobersya matapos ma-disqualify ro pilang mga bet bangud sa height issues sa katung-anan it kompetisyon.
