Sangka bag-ong unga nga kanding sa Karachi, Pakistan ro posibleng maging Guinness World Record holder sa titulong “World’s Longest Goat Ears”!
Suno sa tag-ana it kanding nga si Hassan Narejo, gin unga raya ko Hunyo 5 ag ginpangaeanan nanda nga si Simba.
May haba nga 19 inches ro mga dueunggan ni Simba, ag bangud kara, maabu nga gustong makita sa personal ro baby kambing.
Sumikat sa andang lugar si Simba ag ginakabig eon raya bilang local celebrity.
Sa sobrang haba it dueunggan ni Simba, nagalaylay eon raya sa eugta samtang nagatikang.
Nubian ro breed ni Simba.
Ro mga Nubian hay kilaeang breed it kanding nga may una nga mabahoe ag mahabang dueunggan.
Apang ro 19 inches nga dueunggan ni Simba hay sobrang mahaba ag bukon it ordinary para sa sangka Nubian breed.
Sambilog sa mga kina-iya it mga Nubian goat hay may gatas nga high quality ag may mataas nga butterfat content.
Kaeabanan nga ginagamit ro gatas nanda sa pag obra it maeahaeon nga ice cream, yoghurt, cheese ag butter.
Sa makaron hay gina testingan nga magsumite ni Hassan it aplikasyon sa Guinness agud nga maeakip si Simba sa sikat nga Guinness Book of World Records.
