KALIBO, Aklan — Ginmanduan it Office of Civil Defense (OCD) ro mga lokal nga gobyerno nga isaylo ro mga evacuees halin sa mga sentrong maeapit sa lahar paths sa tunga it padayun nga pag-alburuto it Mt. Kanlaon.
Ginpamilit ni OCD Chief Undersecretary Ariel Nepomuceno nga ro pagiging haum sa tiempo it emergency hay kinahangean eabi pa ag may peligro halin sa mga potensyal nga gina-iligan it lahar ag aktibidad it bulkan.
Masobra sa 14,200 nga indibidwal ro nagapabilin sa mga evacuation center sa Western ag Central Visayas.
Nagtau ro Department of Social Welfare and Development (DSWD) it P52 milyon bilang bulig, kaibahan ro pagkaon, non-food items, ag financial aid.
Ro Mt. Kanlaon hay nakalista it ash emissions nga naga-abot sa 1,200 metro, nga may ashfall nga nakaka-apekto sa mga kaiping nga komunidad ag Panay Island.
Ro bulkan hay nagapabilin sa Alert Level 3, nga may 25 volcanic earthquakes ag maabu nga sulfur dioxide emissions nga nagapatimaan it posibleng dugang nga pagsabog.
Naka-standby ro Armed Forces of the Philippines para magbulig sa relief efforts samtang nagapadayun ro monitoring ag preparedness measures.
