Itinuturing na malaking pagbabago sa pamumuno ni Pope Leo ang kaniyang pagkakaroon ng kanser sa baga, ayon kay Vatican Foreign Minister Archbishop Paul Richard Gallagher.
Ayon kay Gallagher, maaaring mabago ng karamdaman ang pananaw ng mga Katoliko sa Santo Papa, na dati umanong itinuturing ng ilan na tila hindi tinatablan ng sakit dahil sa kaniyang edad at pisikal na kalagayan.
Matatandaang sumailalim si Pope Leo, 71, sa operasyon noong Oktubre 13 upang alisin ang bahagi ng kaniyang baga.
Ayon sa kaniyang mga doktor, limitado sa isang bahagi ang kanser at hindi ito kumalat, kaya hindi na niya kailangan ng karagdagang gamutan.
Samantala, sinabi ni Gallagher na bagama’t nakipag-usap ang Santo Papa kina Russian President Vladimir Putin at Ukrainian President Volodymyr Zelensky, wala siyang nakikitang indikasyong kasangkot ang Vatican sa pagbuo ng kasunduang tigil-putukan upang makapasok ang tulong sa bayan ng Oleshky sa Ukraine.
