Nagpahayag it relief si US President Joe Biden matapos ipakigbato it mga Democrats ro mabahoe nga kadaeag-an it Republican sa midterms election.
Ginahandom it Republican nga kontrolon ro House of Representatives, apang ginpahayag ni Biden nga ro “giant red wave” hay owa natabo.
Ro anuman nga partido hay posible pa gihapon nga magdaog sa Senado makaron nga ginahueat pa ro resulta it botohan sa Arizona ag Nevada.
Nasayuran nga nagaeaum ro mga Republican strategist nga mabuoe nanda ro kadaeag-an sa House of Representatives ag sa Senado makaron nga ro inflation hay una sa 40-year-high ag naging manaba ro Biden’s approval ratings.
Apang, ro data it exit poll hay nagapahayag nga posibleng gina-penahan it mga botante ro mga Republican para sa andang mga pagpanikasog nga striktuhan ro pag-access sa abortion.
