KALIBO, Aklan—May kabilugang 1.91 million vaccines eun ro natigayon nga maiturok sa mga pumoeuyo sa nasyong Australia.
Suno kay Bombo International Correspondent Denmark Suede it Sydney Australia, nga ro nasambitan nga mga bakuna hay maghalin sa kompanyan Pfizer ag AstraZeneca.
Samtang, nagapadayun man ro ginahimo nga pagtuon agud nga ma-aprubahan ro paggamit it Novavax vaccine.
Sa pihak nga parte, ginpahayag man ni Suede nga sa 730, 000 nga mga nabakunahan sa Australia hay may an-om nga kaso it blood clotting.
Sambilog man ro binawian it hueam nga kabuhi matapos nga mabakunahan it AstraZeneca.
Apang sa pihak kara, gin-engganyo man kara ro mga Filipino nga magpabakuna it ano- man nga klase it bakuna kontraCOVID-19 agud mapabilin nga euwas sa paeag it deadly virus nga COVID-19.
