KALIBO, Aklan—Ginabuebanta nga kapin sa 10 ka mga persona ro natigayon nga makapaeagiw matapos ro ginpatigayon nga operasyon it Belete PNP kontra sa illegal nga pagbueang.
Base sa inisyal nga imbestigayon it mga otoridad, natabo ro insidente kahapon kat makabatun it impormasyon ro mga katapo it kapulisan angot sa pagpatigayon it illegal nga pagbueang-bueang sa Sitio Awayon, Barangay Morales sa banwa it Balete.
Apang pag-abot it mga otoridad sa lugar hay madasig nga daeagan ro mga raya.
Samtang, narekober man sa lugar ro tatlong ka mga manok nga pambueang ag daywang ka mga tare.
Sa makarun hay may una eun nga limang ka mga person of interest ro Balete PNP angot sa pagkatawo it mga suspetsado.
Nasayuran nga sandig sa ginpaguwa nga resolusyon it national IATF nga ginabwaean anay ro pagpatigayon it pagbueang sa mga lugar nga una sa idaeum it MGCQ.
Raya hay sambilog man sa gihapon sa mga tikang it gobyerno agud nga malikawan ro pagtaeapnan it deadly virus nga COVID-19.
