kapin sa 100 mga mangunguma it banwa it kalibo ro nakabaton it indemnity checks ukon cheke nga naghalin sa Philippine Crop Insurance Corporation ukon PCIC sa mga tinamaan it bagyong Agaton.
Kabilugan nga 509,178 nga balor it cheke ro natigayon nga ma-distribute sa mga claimants nga nasamaran it mga pananum ag nahalitan nga mga kasapatan.
Ginpatigayon ro pagpanupod it cheke sa 3rd floor it bag-ong building it munisipyo.
Kapin sa 57 nga rice farmers ro nakabaton it ayuda; 42 ro hog raisers ag sambilog sa livestock.
Ginsaksihan ro event ni mayor juris sucro ag SB member atty Christine dela cruz, chairman it committee on agriculture.
Kadungan kara, gin engganyo ni Ronilo Calar, PCIC-aklan head ro mga mangunguma nga nakalista sa Registry System for Basic Sectors in Agriculture ukon RSBSA nga ipa-insured ro andang pananum ag kasapatan agud nga makabulig sa pagbangon engkaso nga tamaan it bagyo ag iba pang natural nga kalamidad.
angot kara, ginpasaeamatan ni kalibo mayor juris sucro sa agricultural services division ag PCIC sa insigidang pag-release it ayuda sa mga apektadong mangunguma.
Ginpasiguro man kara nga bukas ro anang opisina sa department of agriculture sa anuman nga bulig nga pagakinahangeanon it mga farmers .
