KALIBO, Aklan — Bilang pagpapakita it simpatiya sa mga apektadong sektor sa temporaryong pagpasara sa isla it Boracay, nagpatigayun it “drive for a cause” ro kapin sa 100 nga miyembro it PhilBikers-Aklan chapter.
Sa interview it Bombo Radyo, gin pahayag ni Rene Agustin, presidente it PhilBikers nga apisar ro business sector sa mainland hay nabatyagan eon ro paghina it andang negosyo sa pihak ku owa pa naipasara ro isla rason nga eubus ro andang kabaeabaka sa andang magiging kapalaran pag abot it Abril 26 sa oras nga maipatuman eon ro total closure.
Bukon sigon it makatarungan ag makatawo ro nasambitang rekomendasyon.
Owa sigon sanda naga pamaeabag sa an-um nga bueang rehabilitasyon apang, pwede man nga himuon ro paglimpiyo ag pagkay-ad nga indi eon kinahangean nga ipasara ro isla sa mabahoe nga epekto kara sa mga trabahador ag household income.
Gin pahayag pa ni Agustin nga gin libot eon nanda ro bug-os nga probinsiya it Aklan ag sa kada banwa nga andang gina agyan hay naga panupod sanda it flaglets sa mga alkalde nga naga simbolo it andang pagbuylog kontra sa Boracay closure.
Nag agi man sigon sa Aklan Provincial Capitol ag nakipag-estorya sa mga opisyal.
