KALIBO, Aklan — Nakabiyahe eon pabalik it Taiwan ro kapin sa 100 turistang Taiwanese nga nagpataliwan it gabi-e sa Caticlan Airport matapos nga ieakip it gobyerno it Pilipinas sa ginpatuman nga travel ban ro Taiwan.
Raya hay kasunod it paeag it coronavirus disease (COVID)-2019.
Napilitang magbalik ro AirAsia flight sa Taiwan Taoyuan International Airport matapos nga bawaeang makaguwa sa paeoparan ro mga turista nga magabakasyon kunta sa isla it Boracay.
Uwa sigon kasayod ro mga pasahero kaangot sa travel ban nga ginpatuman it Pilipinas sa Taiwan ag nasayuran eon lang nanda raya sa andang pag-abot sa Caticlan Airport.
Dismayado ro mga turista bangud sa naunsiyaming bakasyon, mag-eowas pa sa andang gastos ag gaoy.
Samtang, ginpahayag ni Malay Mayor Frolibar Bautista nga hugot gihapon ro ginahimong pagbantay pasueod sa Boracay.
Mag-eowas sa ginbutang nga tatlong border checkpoints, required man ro mga biyahero nga magpakita it pasaporte para sa verification ag mag-fill-up it health declaration card.
