KALIBO, Aklan—Kapin sa 120 nga mga delegado ro ginpadaea it probinsiya it Aklan sa 2024 Batang Pinoy national championships ukon Philippine National Youth Games nga ginpatigayon sa Puerto Princesa City sa Palawan nga nag-umpisa ko Nobyembre 23 ag magatapos sa Nobyembre 28.
Suno kay Jovie Ote, coach sa athletics it Aklan delegation nga naging mayad man ro performance it andang mga player kahapon nga kaeabanan hay naga-edad it 12 hasta 17 anyos sandig sa gin-adjust nga age requirement.
Masadya man nana nga ginbalita nga naka-break it record si Neyo Sarabia sa shot out athletics boys.
Kumpiyansa sigon sanda nga maka-uli it mas maabu nga medalya ro andang mga nagpasakop nga atleta.
Samtang, ginpasaeamatan man ni coach Ote ro lokal nga gobyerno it New Washington sa pagtau sa anang mga atleta it nagakaigo nga suporta agud nga makapasakop sa batang pinoy nga gin-organisa it Philippine Sports Commission.
Madumduman nga masobra sa 15,000 nga mga atleta ag opisyal ro nagpasakop sa makolor nga opening ceremony ko nagtaliwan nga adlaw it Sabado.
