KALIBO, Aklan–Kapin sa 126 ka mga indibidwal ukon 35 ka mga panimaeay ro gin-evacuate ag idto eun nag-agahan sa Multi-purpose building sa banwa it balete matapos ro sigidas nga pagbubo it mabaskog nga uean umpisa pa kahapon nga adlaw.
Suno kay Balete Vice Mayor Patrick Lachica, nga nag-abot it alas 10:00 it gabi-e kabi-e ro pag-aeabutan it mga pomoeuyo nga nag-evacuate bangud sa mga nailistang pagbaha ag lanslide.
May tatlo man ka panimaeay ro na-standed ag indi gid makatabok ro mga residente bangud sa mataas nga lebel it baha.
Samtang ginklaro man ni Vice Mayor Lachica nga base sa inisyal nga assesment it local government unit ukon LGU hay owa it may nailistang namatay ukon nasakitan bangud sa epekto it maeain nga panyempo tuga man it na-eksperyensiyahan nga Low pressure area ukon LPA kung sa siin sambilog ro probinsya it Aklan sa mga naapektuhan.
Nasayuran nga mag-euwas sa banwa it Balete hay ginbaha man ro pilang ka mga kabanwahahan sa Aklan, partikular ro banwa it Banga, Malinao, Ibajay, ag Batan.
