Kalibo Aklan———Kapin sa 12,000 ka mga tawuhan it Philippine National Police (PNP) ro nakataeanang magabantay sa bilog nga Western Visayas sa mismong aldaw it eleksiyon sa Mayo 9.
Suno kay Plt. Col Arnel Solis, tagapaghambae it Police Regional Office (PRO 6) nga ro mga nasambitan nga tawuhan it PNP hay naka-assign sa pagatao it seguridad sa voting centers, monitoring action centers, mobile security teams, provincial electoral board, quick response team ag reserve forces.
Samtang, ginpahayag man ni Solis nga sa makarun hay all set eun ro PNP sa pagbantay saseguridad it eleksiyon ag nagahueat eun lang sanda it signal angot sa igapatigayon nga deployment.
Samtang, ginklaro man kara nga owa it anuman nga pagpamaeag nga na-monitor ro mga otoridad sa bilog nga probinsya it Aklan may kaangtanan sa nagahilapit nga eleksiyon.
