KALIBO, Aklan—Kapin sa 13 eon ka banwa sa probinsya it Aklan ro tinamaan it African Swine Fever.
Suno kay Dra. Mabel Siñel it Office of the Provincial Veterinarian ukon OPVET Aklan nga nagdugang sa listahan ro banwa it Nabas ag Altavas.
Mag-eowas kara, may ginboe-an sanda it blood sample nga mga baboy sa banwa it Banga ag sa ginpatigayon nga surviellance sa sapat hay nakit-an nga ro signs and symptoms hay ana gid it ASF virus.
Apang, ginahueat pa sigon nanda ro resulta para makumpirma kon tinamaan gidman it ASF ro nasambit nga mga sapat.
Ginpahayag dugang ni Dra. Siñel nga nagapadayon ro culling sa mga baboy nga tinamaan it ASF ag ro iba hay mismong ro mga tag-iya eon man ro naga-culled.
Nasayuran nga bangud sa pagpanaeasa it ASF virus sa probinsya hay ginpaidaeom it gobyerno probinsyal ro Aklan sa state of calamity kon sa siin P10 milyon pesos ro nabuoe sa quick response fund.
Sa nasambit nga kantidad, P3 milyon pesos ro naadto sa OPVET para sa andang logistics ag P7 milyon pesos ro nakataeana nga pang ayudad sa mga apektadong hog raisers nga ro prayoridad hay ro mga na-culled nga baboy nga ginproseso it OPVET.
