Ginatantya nga inde magnaba sa 1,300 ro kabilugan nga nagparehistro sa Commission on Election ukon Comelec Kalibo halin kat ginbuksan it uman ro voter’s registration ko buean it Disyembre.
Suno kay Atty. Christian Itulid, municipal officer it Comelec Kalibo nga sa ulihing adlaw it pagparehistro hay masobra sa 200 ro andang na-cater nga kliyente.
Kaeabanan suno kana nga nagparehistro hay para sa sangguniang kabataan; ginsundan it mga naga-edad eon it 18-anyos ag ro mga transferee.
Ginklaro dugang ni Atty. Itulid nga uwa eon it extension ro pagparehistro rason nga bago pa man ginbuksan it uman ro voter’s registration hay nag-imporma eon sanda sa publiko para makapasakop ag ma-practice ro kinamatarong nga magboto sa nakataeana nga barangay ag SK election makaron nga dag-on.
