Kalibo Aklan —– Sa kabilugan nga 580 households sa Brgy. Bakhaw Norte, Kalibo hay masobra eamang sa 140 ro na-qualify halin sa 290 allocation it cash assistance sa idaeom it Social Amelioration Program (SAP).
Suno kay Punong Brgy. Maribeth Cual, may nabilin pa sandang alokasyon nga masobra sa 140 slots rason nga anang gin-apela ro ibang nabueo sa listahan apang mismong ro Department of Social Welfare Development (DSWD) ro nagvalidate sa mga raya kon kwalipikado nga makabaton it ayuda halin sa gobyerno.
Aminado man ro opisyal nga inde malikawan nga may magreklamo apang naging haom sanda sa makarundaya nga sitwasyon bangud nga maskin sanda hay nabudlayan man tuga it kinahang-ean nga sundon kon anu ro nakabaehag nga guidelines sa pagpili it mga ginakabig nga poorest among the poor.
Sa pihak kara, naging matawhay man ro andang pagpanupod it cash assistance sa mga benepisyaryo kadungan kara ro social pension it mga kwalipikadong senior citizens ag ro P500 pesos nga food assistance halin sa lokal nga gobyerno it Aklan.
