Kapin sa 150 eon man ro nadugang sa nailistang kaso it Covid-19 sa bilog nga probinsya it Aklan sa sueod it sang adlaw.
Sa nasambit nga numero, waeo kara ro halin sa banwa it Altavas; tig-sambilog sa munisipalidad it Balete, Buruanga, Malinao ag Nabas; 32 sa Ibajay; 68 sa Kalibo; daywa sa Makato; 12 sa Malay; 14 sa New Washington ag napueo sa Numancia.
Angot kara, nagaabot eon sa kabilugang 6,575 ro kaso it deadly virus sa Aklan sandig man sa pinakaulihing datos nga ginpaguwa it Aklan Provincial Epidemiology Surveillance Unit it Provincial Health Office.
Sa pihak kara, nakalista eon man ro ahensya it kabilugang 5,167 nga mga nagmayad halin sa nasambit nga masakit kasunod it 96 nga panibag-ong nagmayad.
Sa makaron hay nagsaka pa sa 1, 268 ro mga aktibong kaso it deadly virus nga ginakaeakipan it 1,065 nga una sa facility quarantine, 108 nga naka-home quarantine ag 95 ro admitted.
Samtang, kapin eon man sa 140 ro mga nailistang namatay kasunod it daywa eon man nga binawian it hueam nga kinabuhi bangud sa nasammbit nga masakit.
