KALIBO, Aklan—Kapin sa 17 ka pamilya ro insigidang gin-ayudahan it barangay council it Manocmanoc, Boracay kasunod it nag-eontad nga sunog ko nagtaliwan nga Hunyo 2, 2022.
Suno kay Manocmanoc punong barangay Nixon Sualog, katunga sa mga raya hay migrant workers ag presenteng nagadayon sa mga naabo nga boarding houses.
Sandig sa pinakaulihi nanda nga imbestigasyon, may naghampang sigon nga onga it kaeayo sa nasambit nga panimaeay kon siin naghalin ro kaeayo nga nagdaeahig sa mga kaeapit baeay nga human sa light materials.
Ginasapinal pa sigon nanda ro listahan it mga apektadong indibidwal agud nga maipasa sa lokal nga gobyerno it Malay para sa dugang nga assistance.
Haeos tanan eon man sigon hay nakabalik eon sa tagsa-tagsa nanda ka mga trabaho samtang sigidas pa ro clearing operation it barangay council ag Bureau of Fire Potection ukon BFP Boracay sa nasambit nga lugar.
