-- ADVERTISEMENT --
KALIBO, Aklan—Nag-abot eon ro dugang nga 19,000 doses bakuna nga himo it Pfizer sa probinsya it Aklan.
Ro nasambit nga bakuna hay pagagamiton para sa mga unga nga naga-edad lima hasta onse anyos.
Suno sa Provincial Health Office (PHO)-Aklan, kinahang-ean nga mag-agi anay sa online registration rason nga dapat alalayan it mga ginikanan ro pag-parehistro it andang mga unga.
-- ADVERTISEMENT --
May kaangtanan kara, padayun man ro pag-engganyo it mga health authorities sa publiko nga magpabakuna eon kontra COVID-19 agud nga makaangkon it dugang nga proteksyon.
Apisar nga ginpaidaeom eon sa alert level 1 ukon new normal status ro probinsya it Aklan, kinahang-ean gihapon nga magdahan bangud owa pa natapos ro away kontra sa pandemya.
