KALIBO, Aklan—Kapin sa 21 ka mga farm equipment ro natigayun nga mai-award it Office of the Provincial Agriculturist kahapon sa pilang ka mga farmers association sa probisya it Aklan.
Suno kay Engr. Alexis Apolonio it Office of the Provincial Agriculturist, raya hay ginakaeakipan it 11 ka mga water pump, 6 nga mini rice mill, 3 nga floating tiller ag sambilog nga rice thresher.
Suno kana, ginataw-an nanda it proyaridad ro mga registered farmers association nga maging benipisayaryo it programa.
Ro kada organisasyon suno kana hay makabaton it sambilog nga farm machineries kada dag-on.
Ko mga nagtaliwan nga dominggo hay nauna eon nandang naipanupod ro 10 ka mga water pump ag 2 nga rice mill sa 12 ka mga asosasyon.
Ro 33 sigon ka mga farm equipment hay kaparte pa it farm mechanization program it gobyerno probinsyal.
Sigidas man suno kana ro andang distribusyon it mga natungdan nga makinarya halin ko Oktobre it nagtaliwan nga dag-on.
Tuyo sigon nanda nga maubos eon raya it award agud nga maka-umpisa eon it identify ro andang taeatapan it masunod nga benipisyaryo para makaron nga dag-on.
Ginasugid nga kapin sa P18.5 million ro budget nga gintaeana ko nagtaliwan nga dag-on kun sa siin naga-abot sa 70 ka mga organisasyon ro nakabaton.
Makaron nga dag-on hay may gin-alokar man ro probinsya nga kapin sa P13.5 million para sa farm mechanization project.
Ginpahayag pa ni Engr. Apolonio nga kabulig nanda ro mga Local Government Unit sap ag-monitor it andang gintao nga equipment.
