KALIBO, Aklan—Kabilugan nga 232 contact tracers ro gindeploy eon sa 17 nga kabanwahanan it probinsya it Aklan ko adlaw it Lunes, Oktobre 19, 2020.
Ro nasambit nga mga contact tracers ro maga-track down ag magadumaea sa close contacts agud nga indi eon magkalhit ro infection kamana man nga magatao it diagnostic, counselling ag pagbueong sa kumpirmadong kaso it Coronavirus Disease ukon COVID-19.
Kadungan kara hay ginpatigayun ro courtesy call sa local chief executives ag ro orientation it Municipal Local Government Operation Officers (MLGOOs) para sa aktwal nga pagpatigayun it andang obligasyon bilang mga contact tracers ag ro pagsunod sa code of conduct.
Kaangot kara, ginpasiguro man it DILG-Aklan ro mga contact tracing teams hay naga-doble kayod agud nga mapunggan ro pagtaas it transmission ag mabawasan ro pagkalhit it deadly virus.
