KALIBO, Aklan–Kabilugan nga 2,373 ka mga health care worker ro natigayon nga mabakunahan it sinovac vaccine sa probinsya it Aklan.
Suno kay Dr.Cornelio Cuatchon Jr. it Provincial health office ukon PHO-Aklan nga ro nasambit nga mga health care worker hay maghalin sa 8 ka mga government hospital, 5 ka pribadong ospital, ag 19 nga rural health unit sa probinsya.
Ro vaccination program hay ginpatigayon umpisa ko marso 10 hasta 14 sa ABL-sports and cultural complex.
Sa makarun hay may nabilin pang masobra 40,000 doses it bakuna nga nag-abot sa probinsya.
Samtang ginpahayag man ni Dr. Cuatchon nga may nailista sandang mild effect sa mga nabakunahan it sinovac vaccine kapareho it rashes, pagpangatoe, ag pagpanakit it ueo.
May sambilog man nga na-admit sa ospital matapos nga maka-eksperyensiya it pagkalisod sa pagginhawa matapos nga mabakunahan.
Samtang ginaeauman man ni PHO-Aklan nga ma-engganyo pa ro publiko nga magpabakuna kontra covid-19 matapos ro manami nga resulta it ginapatigayon nga vaccination sa mga health care workers.
