KALIBO, Aklan–Kapin sa 2,500 nga mga semilya it tilapya ro ginbuhian sa Aklan river nga sakop it barangay Mobo, Kalibo kaina it agahon.
Ro proyekto hay ginpangunahan it “eabi persona organization” nga ro tuyo hay mataw-an it alternatibong maboe-an it pagkaon ro mga residente ag mga maintok nga mangingisda nga nagasalig sa bugay ukon grasya it suba.
Suno kay Red Ibabao it eabi persona nga ro nasambit nga tikang hay kada dag-on nanda nga ginapatigayon kadungan it pagdumdum it earth day kada buean it Abril.
Kinahangean suno kana nga ma-edukar ro tanan sa pag-amlig sa mga kasubaan.
Sa pihak kara, “sport’s fishing” ukon pagpamunit eamang ro ginapasugtan nga pamaagi it pagdakop sa mga isda ag ginabawae ro paggamit it net.
Samtang, suno kay Sangguniang Panlalawigan Member Emmanuel Soviet Russia Dela Cruz, chairman it committee on agriculture nga tuyo it nasambitan nga aktibidad nga maibalik ro indigenous nga mga isda sa kasubaan it probinsya.
Haeos 12 anyos eon sigon nanda nga gina-obra ro aktibidad ag ginatantiya nga nakabuhi eon it kapin sa 30,000 nga tilapia sa suba it Akean.
