KALIBO, Aklan—Naga-abot sa 273 nga mga pulis sa probinsiya it Aklan ro nagsaka ro ranggo makaron nga 2023.
Suno kay P/Cpl. Leonilyn Artes, tagapaghambae it Aklan Police Provincial Office ukon APPO nga raya hay pinaagi sa ginpatigayon nga oath-taking donning and pinning of ranks sa headquarters it APPO.
Ro 273 nga mga kapulisan hay ginpaidaeum sa pag-usisa it police regional office ukon PRO-6 Promotion Committee ag Promotion Board agud nga mapasaka ro andang ranggo.
Naka-assign ro mga raya sa nagkaeain-eain nga police stations sa probinsiya nga nakapasa sa qualification standards para sa appointment sa masunod nga higher PNP ranks base sa National Police Commissioned (NAPOLCOM) Resolution No. 2013-501.
Sa pihak nga parte, ginpakamayad it PRO-6 nga iya lang sa Aklan pasumpaon ro mga promoted police nga halin sa iba pang Police Regional Office nga gindeploy para sa Ati-Atihan festival.
Ro promotion hay resulta it merit system agud nga kilaeahon ro PNP personnel ag mapasaka ro andang morale.
