NATIONAL News — Nag-abot eon sa 3.3 million nga mga Pilipino ro naapektuhan it Severe Tropical Storm Kristine hasta makaron nga adlaw it Biyernes base sa record it Department of Social Welfare and Development (DSWD).
Suno kay DSWD Assistant Secretary Irene Dumlao, masobra 805, 000 nga mga pamilya ro apektado it Bagyong Kristine eakip eon ro dugang nga 40,000 nga pamilya halin sa Ilocos Region pa eamang.
Samtang, naga-abot man sa 288,000 nga mga indibiwal ukon 75, 000 nga pamilya ro nagapabilin sa 3,300 government shelters.
Ginsaysay ni Dumlao nga ro nasambit nga numero hay nagsaka pa sa masobra sa sang milyon matapos nga makasueod ro mga report it kalamidad halin sa Region 1, 2, ag Central Luzon.
Nakapanupod eon ro DSWD it P111 million worth it humanitarian aid, eakip eon ro 150,000 family food packs ag non-food items para sa mga nagatinir sa evacuation shelters.
