KALIBO, Aklan—Naga-abot eon sa 30 ro turistang nadakpan it mga awtoridad nga nagagamit it pekeng RT-PCR tests agud nga makasueod sa isla it Boracay.
Suno kay Malay mayor Frolibar Bautista nga ro pinaka-ulihi hay ko Huwebes nga adlaw matapos nga maaresto ro tatlong turista nga may buyot nga pekeng RT-PCR tests.
Gindugang pa ni mayor Butista nga kaeabanan sa nasambit nga mga turista hay nakasueod eon sa Boracay antes masayuran nga peke ro andang swab tests.
Nasayuran nga requirements ro negative RT-PCR test, hotel booking ag QR code antes nga pasugtan nga makasueod sa isla ro turista.
Maka-alarma ag delikado suno kana sa mga staff ag guests it mga hotels ro nagakatabu matapos nga sunod-sunod ro mga turistang nadakpan nga naga-eabag sa patakaran kun sa siin pila sa mga raya hay nagpositibo pa sa deadly virus.
Angot kara, ginhinyu ni mayor Bautista ro mga hotel owners nga magbulig pinaagi sa pag-verify sa validity it mga Covid-19 certificates it mga turistang nagapa-book kanda halin sa mga accredited nga laboratory center eabi eon sa metro manila.
Ginkasuhan suno kana pinaagi sa regular filing ro mga turista nga nadakpan nga nagagamit it pekeng RT-PCR test sa Kalibo Regional Trial Court.
