KALIBO, Aklan — Ginatantyang 300 nga mga negosyanteng Muslim ro nagbakwit paguwa sa isla it Boracay kasunod it nakataeanang pagpasara kara sa Abril 26.
Sa interview it Bombo Radyo, ginpahayag ni Abdul Karim, lider it Muslim community sa Aklan nga naeooy raya sa anang mga igmanghod nga Muslim nga mawad-an it pangabuhian bangud sa ipatuman nga closure.
Umpisa sigon nga bansagan ni Pangueong Rodrigo Duterte nga “cesspool” ro Boracay ag ginrekomenda ro temporaryong pagpasara kara hay naghina eon ro negosyo sa isla.
Ro ibang kaibahan sigon nanda hay amat-amat eon nga nagguwa sa Boracay samtang ro iba hay nagdesisyon nga magpabilin pa sa lugar ag ginahueat ro pinal nga desisyon it pangueo.
Eubus sigon sandang nagakabaeaka bangud ro pagbaligya eamang sa isla ro kaeabanang pangabuhian it andang mga kaibahang muslim.
