KALIBO, Aklan—Ginpahayag it Department of Labor and Employment (DOLE)-VI nga kapin sa 30, 000 nga mga empleyado sa bilog nga Western Visayas ro makabaton it financial assistance halin sa taeatapan.
Raya hay sandig sa idaeom it Bayanihan to Recover as One Act ukon Bayanihan 2 para sa COVID-19 Adjustment Measures Program (CAMP) it DOLE.
Ginpahayag ni Ms. Niezel Sabrido, tagapaghambae it DOLE-VI, nga magabaton it kapin sa 5,000 pesos ro kada benipisyaryo sa education, tourism ag iba pang sector nga naapektuhan it pandemya daea it Coronavirus Disease 2019 ukon COVID-19.
Suno kana, ro mga employer sigon ro maga-apply ag maga-proseso it mga kinahang-eanon nga dokumento agud nga maka-avail ro andang mga empleyado it nasambitang ayuda.
Ginakinahang-ean sigon it mga kompanya nga magfill up sa reports.dole.gov.ph ag mag sumite it masterlist it mga empleyado.
Gina-engganyo man kara ro mga workers nga apektado it pandemya nga mag-avail eon it mga programa agud nga makabuoe it financial assistance antes ro expiration it Bayanihan 2 sa Disyembre 19, 2020.
