KALIBO, Aklan—Kapin sa 32 ro nagdugang sa listahan it mga kumpirmadong kaso it coronavirus disease ukon covid-19 it Aklan Provincial Epidemiology Surveillance Unit it Provincial Health Office sa bilog nga probinsya it Aklan.
Base sa pinakaulihing datos nga ginpaguwa it ahensya, raya hay ginakaeakipan it 10 maghalin sa Kalibo; Malay nga may 12; 5 sa New Washington; 2 sa Nabas ag tig-sambilog maghalin sa banwa it Balete, Batan ag Ibajay.
Bangud kara, nagsaka pa sa kabilugang 1,279 ro kaso it deadly virus sa probinsya.
Apang sa pihak kara, nadugangan man it 11 ro numero it mga nagmayad halin sa nasambit nga masakit nga ginakaeakipan it 7 pito maghalin sa Kalibo; daywa sa Madalag ag sambilog sa banwa it Banga.
May kaangtanan kara, nagaabot eon man sa kabilugang 1,086 ro numero it mga nagmayad matapos nga tamaan it makataeapon nga masakit.
Sa makaron, ro Aklan hay may 158 pang aktibong kaso it covid-19.
Sa nasambit nga numero, 136 ro una sa facility quarantine, 14 ro naka-admit ag waeo ro presenteng naka-home quarantine.
Samtang, nagapabilin man sa 35 ro mga namatay bangud sa deadly virus halin kat nag-eopok ro pandemya.
