KALIBO, Aklan—Kapin sa 34 eon nga mga establisimento nga apektado it implementasyon it Alert Level 3 sa probinsiya it Aklan ro nag apply para sa cash assistance sa idaeum it Covid-19 Adjustment Measures Program (CAMP) 3 it Department of Labor and Employment ukon DOLE.
Raya ro ginpahayag ni Methusela Norma Janabon it DOLE Aklan as of January 27, 2022.
Samtang, ginpahayag pa kara nga kapin sa 32 nga indibidwal ro nag-file it andang applications para sa one-time cash assistance nga nagabalor it 5,000 pesos.
Gindugang pa kara nga ro online application hay opisyal nga ginbuksan ko lunes nga adlaw.
Ginklaru ni Janabon nga ro sakop eamang it CAMP 3 hay ro mga trabahador nga naapektuhan it temporary closure, permanent closure, ag retrenchment it mga kompaniya.
Pila sa mga ginaprayoridad sigon kara nga sektor hay ro hotel accommodation ag food services, construction, manufacturing,education, wholesale and retail, administrative and support service, ag iba pang serbisyo.
Ro mga establisimento sigon nga nagapatuman it flexible work arrangement hay bukon it sakop it CAMP 3 program.
Sa makaron hay ginaproseso eon sa DOLE regional office ro mga aplikasyon.
