KALIBO, Aklan—Kapin sa 3,500 eon ka mga frontline healthcare workers sa idaeom it Group A1 ro nabakunahan kontra sa covid-19 sa bilog nga probinsya it Aklan.
Ro vaccination activity hay nag-umpisa ko Abril 6 hasta it 16, 2021 sa ABL Sports Complex, Kalibo.
Ro gintaw-an it prayoridad nga mga healthcare workers sa idaeom it Group A1 hay naghalin sa nagkaeain-eain nga health facilities kaparehas it government ag private hospitals, clinics, diagnostic centers, pharmacies, ligtas covid centers, rural health units ag iba pang frontline government ag non-government offices sa probinsya.
Ro nasambit nga vaccination activity hay ginpangunahan it PHO, DOH ag DRSTMH.
Kaeakip man kara ro iba pang provincial offices ag iba pang partners kaparehas it PNP, PDRRMO, sangka pribadong ospital ag Aklan Medical Society.
Sa makaron, ro probinsya hay nagapreparar para sa vaccination roll-out sa nabilin nga A1 ag igasunod kara ro A2 sa nagkaeain-eain nga munisipalidad.
Nagapadayon man ro assessment it municipal vaccination areas ag ro vaccination processes hay ginapatigayon it PHO ag DOH.
