Kalibo Aklan —— Kapin sa 37 nga mga Aklanon Overseas Filipino Workers (OFW’s) nga nag-abot sa siyudad it Iloilo ro nakataeanang maga-uli sa probinsiya makarun nga adlaw.
Suno kay Ibajay Mayor ag LMP Aklan Chapter President Jo-en Miraflores nga exempted sa ginapatuman nga Enhanced Community Quarantine ro mga naga-uli nga OFWs ag seafarers , kun sa siin , ginapasugtan sanda nga maka-uli sa andang natungdan nga probinsiya .
Ginklaru pa ni Miraflores nga maskin nga nakapaidaeum sa required nga swab testing ag 14-day quarantine sa Manila hay uman sanda nga magapaidaeum sa kaparehong proseso sa pag-uli sa Aklan nga pagasueangon it Provincial Government .
Nauna eon nga ginklaru it Provincial Health Office (PHO-Aklan nga ro tanan nga mga magabalik nga OFWs hay magapaidaeum sa rapid testing para sa coronavirus disease 2019 (COVID)-19 sa tuyo nga matapna it gobyerno ro imported cases.
Ro nasambit sigon nga tikang hay aprubado it Inter-Agency Task Force for the Management of Emerging Infectious Diseases.
Nasayuran nga mag-eowas sa Aklan Training Center, daywa pang hotel sa Kalibo ro gintaeana nga quarantine area nga ginaeakipan it GQ hotel ag Marzon .
Samtang, pabor man si Mayor Miraflores nga ipabilin ro liquor ban ag curfew eabi pa ag nagahilapit ro kapiestahan sa nagkaeain-eain nga banwa sa Aklan.
