KALIBO, Aklan—Halin sa kabilugan nga 157 nga drug responders nga nailista sa Barangay Poblacion, Kalibo hay kapin sa 40 eon lang ro nabilin nga nagatambong makaron sa Community-Based Rehabilitation Program ukon CBRP sa idaeum it Mamamayang Ayaw Sa Anomalya, Mamamayang Ayaw Sa Ilegal na Droga ukon MASA MASID it Department of Interior and Local Government (DILG).
Suno kay Barangay Chairman Niel Candelario nga natigayon nga maitau ro award ko nagtaliwan nga adlaw sa pueong nga ginpatigayon it liga ng mga barangay sa mga lugar sa banwa it Kalibo nga natigayon nga maangkon ro andang drug-cleared status.
Sa Kalibo ro barangay Pook eamang ro naka-comply sa mga required nga parameters.
Nasayuran nga 12 nga barangays sa Kalibo, Malay, Banga ag New Washington ro cleared eon sa illegal nga droga base sa deliberation it 20th Regional Oversight Committee on Dangerous Drugs sa Iloilo City ko Setyember 22.
Gindugang pa ni kapitan candelario nga medyu mabudlay kanda nga maabot ro nasambit nga status makaron nga tiempo bangud nga maabu nga tawo ro nagasueod-guwa sa barangay Poblacion nga kaeabanan hay mga transient ukon umaeagi eamang.
