KALIBO, Aklan—Nagsaka eon sa kabilugang 465 ro nailistang kaso it coronavirus disease ukon Covid-19 sa bilog nga probinsya it Aklan base sa ginpaguwang datos it Provincial Epidemiology Surveillance Unit it Aklan Provincial Health Office.
Raya hay kasunod sa nailistang 14 nga mga indibidwal nga nagpositibo sa deadly virus.
Sa nasambit nga numero, 11 kara ro taga banwa it Kalibo ag 3 ro taga banwa it Lezo.
Samtang, nadugangan man it sambilog ro namatay bangud sa nasambit nga sakit rason nga nagtaas ro total deaths sa 16 ag kapin sa 372 eon man ro nakarecover sa sakit bangud sa pagbueong.
Sa makaron, 77 pa ro padayon nga nagamayad nga ginakaeakipan it 72 nga una sa facility quarantine ag 5 ro naka-admit makaron sa Aklan provincial hospital para sa close monitoring.
