KALIBO, Aklan—Kapin sa 24 eon lang ro nailista nga kaso it covid-19 sa bilog nga probinsya it Aklan.
Raya hay halin sa 91 ka mga swab samples nga gintest sa laboratoryo it Aklan nga nahamtang sa provincial hospital.
Ro nasambit nga numero hay ginakaeakipan it tig-sambilog maghalin sa banwa it Altavas, Batan,, Malay, Nabas ag Numancia; daywa sa Ibajay; 12 sa Kalibo ag lima sa Tangalan.
Sa makaron hay may 12,000 eon ro kumpirmadong kaso nga nailista it Aklan Provincial Epidemiology Surveillance Unit it Provincial Health Office.
Apang, 11,216 eon man ro nakarekober kara bangud sa 74 nga panibag-ong nagmayad halin sa pagtama it deadly virus.
Sa makaron hay kapin pa sa 482 ro aktibong kaso sa bilog nga probinsya it Aklan nga ginakaeakipan it 304 nga una sa facility quarantine, 126 ro naka-home quarantine ag 52 ro admitted.
Samtang, 302 eon man ro mga binawian it hueam nga kinabuhi halin kat nag-eopok ro pandemya.
