KALIBO, Aklan–Kapin sa 49 nga mga katapo it Kalibo Auxiliary Police ukon KAP ro temporaryong nagapabilin sa andang duty sa idaeum it bag-ong pungko nga si Kalibo mayor Juris Sucro.
Suno kay Roland Inan, nagatindog nga team leader it KAP members nga ko miyerkules hay may ginpaguwa nga listahan it mga pangaean si kagawad mark sy nga posibleng maka-renew it andang mga kontrata.
Raya sigon ro mga KAP members nga naka deploy makaron sa nagkaeain-eain nga karsadahon nga may duty nga 8am to 5pm
Apang ginaeauman nga madugangan pa bangud nga sa Lunes hay maga-duty ro iba pang nag-apply.
Sa nasambit nga numero, majority kara hay mga dating KAP members.
Ginpahayag dugang nga nagahueat eon lang sanda makaron kon hin-uno magapatawag it meeting si mayor Sucro.
Gusto sigon kara nga ipaidaeum sa maid-id nga screening ro mga igadeploy nga KAP members.
Nasayuran nga sa idaeum ni dating mayor Emerson Lachica, ro mga KAP members hay naga abot sa masobra sa 100.
