-- ADVERTISEMENT --
KALIBO, Aklan–Kapin sa 62 nga mga nagkaeain-eain nga klase it kahoy ukon may kabilugang 950 board feet ro narekober sa binit it suba nga sakop it Brgy. San Roque, Malinao.
Suno kay PSMSgt. Baldomero it Malinao PNP, samtang nagapatrolya ro tropa hay nakabaton sanda it tawag nga may narekober nga abandonadong kahoy sa nasambit nga lugar rason nga insigida raya nga gin-adtunan it mga otoridad.
Kaangot kara, tumambad kanda ro nasambit nga mga kahoy nga nagabalor it kapin sa 23,792 pesos.
Ro nasambit nga kahoy hay igaturn-over it pulisya sa taeatapan it Department of Environment and Natural Resources ukon DENR para sa nagakaigong disposisyon.
