Padayon ro paglobo it numero it mga indibidwal sa bilog nga kalibutan nga tinamaan it ginakabaeak-an nga monkeypox virus.
Suno sa US Center for Disease Control and Prevention (CDC) kapin sa 700 eon ro kaso it monkeypox virus sa bilog nga kalibutan kung siin 21 kara hay nalista sa United States ag nagaguwa sa pagtueon-an nga nagaeapta eon raya sa nagakaeain-eain nga lugar sa andang nasyon.
Mataeopangdan ,sandig sa bag-ong report nga ginpaguwa it CDC nga kapin sa 16 asta sa 17 kaso sa Amerika nga natumod hay naka-angkon it sexual intercourse sa kapareho nga eaeaki ag 14 man ro ginapatihan nga may kaangtanan sa andang travel history.
Samtang,padayon man ro pag-inabo it nalistang kaso it monkeypox sa Europe umpisa ku nagtaliwan nga Mayo.
Nagpaguwa man it datos ro canada ku nagtaliwan nga Biyernes kung siin kapin sa 77 eon ro andang kumpirmadong kaso it monkeypox nga kaabuan hay nadetect sa Quebec province.
Ginatan-aw man ro panibag-ong pagklahit it sa gay festivals sa Europe, apang ginapatihan man ro monkeypox hay bukon it sexually transmitted disease ag ro main risk factor hay ro pag-angkon it close skin to skin contact sa sangka indibidwal nga maymonkey pox sores.
