KALIBO, Aklan—Kapin sa 77 nga swab specimen sample ro nakapending makaron sa Western Visayas Medical Center, ro sub-national laboratory it Department of Health sa Western Visayas.
Suno kay Provincial Health Officer 1 Dr. Cornelio Cuatchon Jr. ro nasambit nga mga specimen sample hay ginbueo sa mga locally stranded individual, returning overseas Filipino workers kaibahan eon ro kara ro swab sample for repeat testing it nagpositibo nga LSI ag ROF’s kamana man ro andang mga nakasalamuha.
Ginpahayag dugang ni Cuatchon nga ko June 30 pa ginpadaea ro nasambit nga sample apang hasta sa makaron hay uwa pa nakaguwa ro confirmatory result.
Ginpaathag nga maabo makaron nga backlog rason nga uwa pa nakaguwa ro ana it Aklan nga ginpadaea.
Ginapangamuyo sigon nanda nga mag negatibo eon lang ro resulta it mga raya bangud nga natapos eon ro andang 14 diyas nga quarantine period.
Sa pihak kara, engkaso nga mataw-an it lisensya ro molecular laboratory nga gintukod it gobyerno probinsyal hay inde eon maghueat it mabuhay ro PHO ag masuyaran insigida ro resulta kon natamaan sanda it virus ukon uwa.
