KALIBO, Aklan—Gin-anunsyo it Provincial Health Office ukon PHO Aklan nga madinaeag-on eon nga nabakunahan ro kapin sa 78.8% it target nga populasyon kontra sa COVID-19 ukon eampas eon sa ginatawag nga herd immunity.
Raya ro ginpahayag ni J-Lorenz Dionesio, Nurse II it PHO Aklan nga dere-deretso ro andang inoculation hasta sa katapusan it dag-on sa andang bag-ong vaccination area sa ACC gym.
Handum sigon nanda nga mabakunahan ro syento porsiyento it target nga populasyon sa bilog nga probinsiya.
Sa makaron hay ginabuligan nanda sa andang vaccination program ro limang mga banwa nga kulelat sa listahan.
Raya hay ginaeakipan it banwa it Libacao, Ibajay, Banga, New Washington ag Nabas.
Gindugang pa ni Dionesio nga nagabaton eon man sanda it nagapa-booster shot bilang dugang nga proteksyon kontra covid 19.
Raya hay ginaeakipan it mga healthcare workers , mga senior citizens, ag with comorbidities nga nakabaton it 2nd dose it bakuna ko buean it marso hasta abril kamana man ro mga habakunahan it janssen Johnson and Johnson.
Kinahangean suno kana nga maghueat eamang it text message maghalin sa andang taeatapan.
Samtang, mas maabu sigon ro mga nagapabakuna makaron nga mga pamatan-on.
